Adeste Fideles

(Latin version)

Written: Unknown, Copyright: Public Domain

Adeste, fideles,
Laeti, triumphantes,
Venite, venite in Bethlehem!
Natum videte Regem Angelorum!
Venite, adoremus!
Venite, adoremus!
Venite, adoremus Dominum!

Deum de Deo,
Lumen de Lumine,
Gestant puellae viscera
Deum verum, genitum non factum.

Chorus

En grege relicto,
Humiles ad cunas
Vocati pastores appropriant;
Et nos ovanti gradu festinemus.

Chorus

Stella duce, Magi,
Christum adorantes,
Aurum, thus, et myrrham dant munera;
Jesu infanti corda praebeamus.

Chorus

Pro nobis egenum
Et foeno cubantem,
Piis foveamus amplexibus;
Sic nos amantem quis non redamaret?

Chorus

Cantet nunc 'Io!'
Chorus angelorum;
Cantet nunc aula caelestium:
'Gloria in excelsis Deo!'

Chorus

Ergo qui natus
Die hodierna,
Jesu, tibi sit gloria,
Patris aeterni Verbum caro factum.

Chorus